Անվտանգ աշխատանքային միջավայրի ապահովման համար հավասարապես պատասխանատվությունն են կրում լաբորատորիայի բոլոր աշխատակիցները։ Տվյալ լաբորատոր անվտանգության ուսումնական նյութը նախատեսված է օգնելու Լ.Ա. Օրբելու անվան ինստիտուտի բոլոր աշխատակիցներին, գիտաշխատողներին և լաբորատորիայից օգտվողներին հասկանալ և հետևել անվտանգության հիմնական ընթացակարգերին՝ նախքան լաբորատորիայում որևէ աշխատանք սկսելը: Դասընթացը հիմնված է Լաբորատոր անվտանգության ձեռնարկի վրա, որը սահմանում է հիմնական քաղաքականությունը, ստանդարտ գործառնական ընթացակարգերը (SOP), սարքավորումների ճիշտ շահագործումը, անհատական պաշտպանիչ միջոցները (ԱՊՄ) և լաբորատորիայում առողջությանը և անվտանգությանը սպառնացող ռիսկերը նվազագույնի հասցնելու լավագույն փորձը: Լաբորատորիայում ցանկացած աշխատանք սկսելուց առաջ բոլոր աշխատակիցները պետք է.
- Ծանոթանան լաբորատորիայի անվտանգության ձեռնարկին,
- Ավարտեն տվյալ անվտանգության դասընթացը,
- Ծանոթանան իրենց լաբորատորիայի տարածքում անվտանգության հատուկ արձանագրություններին, քիմիական նյութերին և արտակարգ իրավիճակների համար նախատեսված սարքավորումներին:
Դասընթացի վերջում ձեզանից կպահանջվի լրացնել կարճ թեստ, որով կգնահատվեն անվտանգության
հիմնական սկզբունքների վերաբերյալ ձեր գիտելիքները:
Դասընթացի նյութերը և թեստը տեսնելու համար սեղմեք ստորև: