Էթիկայի և համապատասխանության հանձնաժողով
Էթիկայի և համապատասխանության հանձնաժողովը (ԷՀՀ) նվիրված է հետազոտական գործունեության մեջ էթիկական վարքագծի բարձր չափանիշների ապահովմանը և Օրբելու անվան ֆիզիոլոգիայի ինստիտուտում ազնվության, թափանցիկության և համապատասխանության մշակույթի խթանմանը: ԷՀՀ-ն վերահսկում է «Կենդանիների խնամքի և օգտագործման», «Կենսավտանգների» և «Մարդկանց հետազոտության» ինստիտուցիոնալ ենթահանձնաժողովների աշխատանքը:
Հիմնական պարտականությունները.
– Մշակել, վերանայել և թարմացնել ինստիտուցիոնալ վարքագծի կանոնները և հետազոտության էթիկայի և համապատասխանության հետ կապված քաղաքականությունները: Այս քաղաքականությունը աշխատողների համար ծառայում է որպես առաջնորդող սկզբունքներ՝ նախանշելով սպասվող վարքագիծը և վարքագծի չափանիշները
– Հետազոտության ընթացքում վերահսկել համապատասխանությունը և համոզվել, որ մեխանիզմներ կան, որոնք թույլ կտան աշխատակիցներին գաղտնի կերպով և առանց վրեժխնդրության վախի հաղորդել համապատասխանության խնդիրները:
– Ենթահանձնաժողովներին խորհրդատվություն տրամադրելը և նրանց կողմից բարձրացված էթիկական
հարցերի վերաբերյալ որոշումների կայացման ուղղորդումը
– Աջակցել էթիկական երկընտրանքների կամ անորոշ իրավիճակների առաջ կանգնած աշխատակիցներին
– Խթանել էթիկայի և համապատասխանության կրթությունը` բարձրացնելու իրազեկությունը,
հասկացողությունը և համապատասխանությունը էթիկայի չափանիշներին և իրավական պահանջներին
– Գնահատել հնարավոր էթիկական և համապատասխանության ռիսկերը և մշակել ռազմավարություններ
դրանք մեղմելու համար
Էթիկայի և համապատասխանության հանձնաժողովը հանդիպում է առնվազն եռամսյակը մեկ անգամ: ԷՀՀ-ի
լրացուցիչ նիստ կարող է հրավիրվել այն դեպքում, եթե կան հրատապ հարցեր, որոնց պետք է
անդրադառնալ կամ ցանկացած ենթահանձնաժողովի նախագահի խնդրանքով: ԷՀՀ-ի հանդիպումներից
գրառումները պետք է կատարվեն ադմինիստրատիվ աշխատակցի կողմից: